Monday, July 25, 2011

Ek kashti leke ....

Ek kashti leke chalta hoon main
Kis oar jaana , kabhi socha nahi  
Har roz lahron pe bhatakta hoon main
Ek kashti leke chalta hoon main

Kabhi door koi dikh jata hai kinare pe
Kabhi mitti ki dhundhli si mahak aati hai
Ab jaane mein hichkichata hoon udhar
Kya pata kaun rahta ho us paar

Kabhi ye dhoop jhulsa deti hai
Kabhi hawaein suna deti hai lori
Barasta paani gale laga jaata hai
Main aur saathi mera , ye samundar

Kitne baith ke gaye is kashti mein
Par har koi utar jata apne chhor pe
Main toh hawaon ke sahare chalta hoon
Jis oar le jaaye , is gahre paani mein

Ye sunsaan sagar , ye lahron ka shor
Kya aadi ho gaya hoon inka ?
Dar lagta hai bhanvar mein fasne ka
Is chhoti si kashti mein sahamta hoon main
   Ek kashti leke chalta hoon main …
   Ek kashti leke chalta hoon main …

5 comments:

  1. Yeh kashti teri manzil nahi,
    yeh dariya hai saahil nahi,
    Kashti khene mein laga hai yoo,
    Teri manzil kahi dhundhli to nahi...?

    ReplyDelete
  2. wow-is there any genre that you have not tried and not excelled in?:-)
    very deep and beautiful lines:-)

    ReplyDelete
  3. other than in school, I've never been into hindi poetry...part of the fact is that I'm pretty scared n sure that I won't understand it...
    but you proved that one does not need to know the words, if you get the emotion behind them correctly...:)
    very very interesting :)

    ReplyDelete
  4. Man , you have a gift for poetry . Awesomeee ;)

    ReplyDelete