Monday, August 1, 2011

Bandh ghunghroo sochti hoon




Kis dhun pe nachoon aaj
bandh ghughroo sochti hoon main
Nayno mein kajar ki dhaar
Palkon ko jhuka sochti hoon main

Cham cham kar payal bajaoon
Toh koi kayal nahi hota
Rang-mahal mein baith akeli
Main swaym dhun ramti hoon

Jo kar sringaar raas rachaoon
Toh raskion se ghir jaati hoon
Kuch palon ka jamavda hai
Fir rang manch se gir jaati hoon

Nachoon main uski bhakti mein
Toh baavri kah pukaarte hai
Jo ban bhavani karoon tandav
Toh bhay se kap-kapa jaate hain

Kis dhun pe nachoon sochti hoon main..
Bandh ghungroo sochti hoon main …

2 comments:

  1. almost musical here Akshay-so poetically eloquent...mujhe laga aap shayyari kar rahe hoon jaise:-)

    ReplyDelete
  2. This is simply superb...you are pro at this,huh?
    the dilemma in closing (& opening) lines is amazing...and it's interesting to read a woman's pov...
    mujhe to bohot acha laga!:)

    ReplyDelete