Monday, February 21, 2011

DUKHIYAARE PATI KI PEEDA ...


Pratah kaal bistar mein karvat li , aur
Takiya se lipat ke jo Murari muskuraya
Apni bhujaaye failayi ardhangni ki oar
Parantu unhe gayab dekh bechaara baukhlaya

Je furti se kooda bahar
“Kahan gayi le meri chitrakala ”
Andar se jhallayi awaz goonji
“aapan mahtari se pooch lo zara “

“haan haan ...hami saare dukh ki jad hain “
Amma muh mein supaari dal boli
“ee muh-jhaunsi toh seeta hai na ! “
muh se ek peek mara .. december mein holi

Murari khada beech mein
Soche jaaye kis oar
Idhar prem ki pukaar
Udhar ma ki mamta  ka zor

Bade gidgidate bola , “jaane do maai“
“nausikhiya , Abhi nayi naveli hai “
“tu na samjhe murari ! akad toh dekh
Jaisen ee  bikharin ki kauno haveli hai ”

Udhar joru ne belan utha liya .
“ab bas  ....aaj jo hona hai hoye !“
Haath mein lota lekar bhag liya  Murari
Aise dukyaare pati ki peeda hai jaane koye ...
                                        Peeda na jane koye !

2 comments: